馬國明、唐詩詠新劇演夫妻，用10字大讚啊妹個嘴？

今晚首播嘅TVB劇集《白色強人》以醫療體系、醫改為骨幹，令不少網民都表示十分期待！雖則主題有不同，但作為觀眾嘅我地，都會知TVB嘅大部份劇集都會被感情橋段所佔據呢！

雖然小編都係想睇多少少醫生嘅情節，但見到預告當中，得知馬國明、唐詩詠喺當中飾演一對離婚夫妻，馬上開始有少少期待呢一部份嘅感情戲！皆因馬國明、唐詩詠一向都係TVB當中嘅契兄妹，今次終於首度飾演夫妻（雖然係離婚），相信都有不少甜蜜情節呢？

日前，馬國明聯同一眾演員出席劇集宣傳活動時，被問到二人咀戲時，就向媒體用上10個字「全世界男人都會話好咀。」

「全世界男人都會話好咀？」即是馬國明都是其中一人嗎？小編覺得呢10字都展現出馬明「得米」嘅反應，畢竟二人當年喺《鐵馬尋橋》當中都係飾演兄妹，今次終於成功「坐正」，仲唔係一副勝利者嘅姿態？不過就算馬明喺現實中「得米」與否，都叫做滿足一眾粉絲們希望二人喺劇集中演一對嘅心願呢！當然馬明今年可以憑《白色強人》奪得視帝就更能夠滿足大家！