謝婷婷宣布秘密產女3個月 B女生父身份曝光？！

現年36歲謝婷婷秘密誕女，今日突然喺社交平台上載一張BB小手捉住大人嘅手指，更留言「You are my brightest light.」，並指「happy100days」 、「babygirl」，原來B女出世100日，恭喜哂！

藝人謝賢同狄波拉囡囡謝婷婷嘅感情生活一直都受外界關注，今日突然喺社交平台上宣布已做了媽媽。

謝婷今日就突然上載一張BB小手捉住大人嘅手指，宣布榮升媽媽。

圈中人留言道賀

而謝婷婷宣布喜訊後，不少圈中人如鄭希怡、周柏豪、鍾嘉欣、丁子高等紛紛留言恭賀。

謝賢未見外孫女

對於謝婷婷突然誕女，爸爸謝賢表示好開心，佢話女大女世界，最重要係男朋友愛錫佢就得，四哥仲話暫時未親眼見孫女一面。而謝婷婷宣布喜訊後，不少圈中人留言恭賀。婷婷最後一次在港現身，係上年5月出席一個品牌晚宴，之後婷婷未有在香港露面，而今年新年哥哥霆鋒上載的家族新年飯相片中，亦未見婷婷現身。

一年未有露面 大褸遮孕肚

不過睇翻去年8月婷婷上載與欣宜的合照，當時二人身處加拿大，當時婷婷用手袋遮肚；及至10月，她再分享近照，身穿鬆身長褸的她也只是分享側面照，大褸完全遮住腹部。

BB生父疑是外國人 神秘男友叫Mr. Francois?

有報道指婷婷於去年認識外籍男友，母女目前身在英國。而睇翻1月婷婷分享同狗仔合照都係得半邊面咋，上半身仲完全畀狗仔遮住，而婷婷嘅愛犬疑似係佢關注嘅「mr.francois604」IG賬戶同一隻狗狗，唔知Mr.Francois係咪婷婷嘅男友名或是愛犬的名字呢？

婷婷嘅戀情為外界關注，早年佢同安志杰拍過拖，可惜二人於2013年分手收場。之後有傳婷婷同荷李活影星「鷹眼」謝洛美維納（Jeremy Renner）暗撻，但男方否認戀情。

謝賢激罕談風流史

四哥謝賢早年曾在《天下第一Friend》接受主持鄭紹康訪問，逐一講佢同五位生命中最重要女人嘅故事。講得最多一定係第二任老婆拉姑狄波拉。拉姑同四哥生咗一對仔女霆鋒同婷婷，二人婚姻維持咗25年，但最後都係離婚。佢哋再見仍然係好朋友，感情上亦各自各精采。四哥分享二人離婚簽紙當日，離開律師樓後，兩個人喺街上擁抱，「因為我哋太開心！」四哥笑稱當時抱住拉姑轉咗三個圈，在場雙方律師都呆咗。

謝賢 慨歎霆鋒步後塵

自嘲係「不知所謂」嘅爸爸，四哥感激拉姑擔起管教霆同婷婷嘅責任。被問到自己同拉姑離場收場，對霆鋒有冇影響，四哥覺得影響不大，離婚前有問仔女意見，而霆鋒好瀟灑，好贊成父母做番朋友。

謝賢與狄波拉

謝賢與狄波拉

不過，四哥對於霆鋒同張柏芝一樣離婚感到可惜，估唔到自己個仔行同一條路，更一度眼泛淚光。佢好感激柏芝生咗兩個乖孫Lucas同Quintus，亦話自己好鐘意依個新抱。